WENDE NYASAYE 81- 57

1. Ler wang` chieng` orieny e gode, Orieny bende e wi nam; Lerne neno kwonde Lege Ka ma jamni kwayoe. To ler moloyo ler wang` chieng` Nitie koro e chunya, Nikech in Kanyo, Jawarna; Ler nitie ka ma Intie.           Yaye lerno, madieri chutho,           Lerno mantie e chunya;           Ka Yesu odak e chunya,           Oriembo kuyo duto. 2. Abolo kuyona duto Kak` iwito law moti. Iseruaka gi mor mari, Opong`o dhoga gi pak; Ageno piny Ruoth mar polo, Ma herani losona; En e gi maparo pile, Chunya mor kuomi, Ruodha. 3. In Jawarna, iseng`iewoa, Ngimana duto mari; Mond` anyis pakni gi duong`ni Kuom kit wuodha e piny ka. To ageno piny Ruodh polo, Ma herani nong`iewona. En e gi maparo pile Chunya mor kuomi, Ruodha. (Amin)

1. Kabedo e tiend Ruoth Yesu awinjo weche mamit; Ka maber, moneg` abedie E tiende ndalo duto. Kabedo e tiend Ruoth Yesu, Kaparo kit ngimana, Awuoro hera gi ng`wono ma Yesu otimona. 2. Mond` abed e tiend Ruoth Yesu, en kar hawi moloyo; Richona gi kuyo duto aweyo kanyo kuome. Kabedo e tiend Ruoth Yesu, anyise chunya duto; To ayudo teko kuome makonya e ngimana. 3. Gwedha, yaye, Jawarna, Gwedha, kabedo e tiendi ka; Nyisa herani modhiero, ng`iya gi wang`i mang`won. Ket paro Yesu e chunya, Miya bed ng`ati maler; Timna duto mondo nyis ji kak` awuotho gi Yesu. (Amin)

1. Ruodha, aheri maradier, Moloyo mor mar piny; Nikech imiya kuwe mari Ma piny ok nyal ketho.           To ji mang`eny pok ong`eyo (ong`eyo) Herani modhiero;           To ji mang`eny pok ong`enyo (ong`eyo) Rembi moseluoka (oluoka). 2. Ang`eyo Intie buta, Ruoth, Moloyo ji me piny; Kaparoi ayudo mor Moloyona mor piny. 3. Iketo morni e chunya, Ma piny ok nyal golo; Da ok abed gi herani, Kuyo dipong` chunya. 4. Kwayudo mor e ngimawa Kwawuotho kodi ka, To wanayud mor manade Kwaneni Wang` gi Wang`. (Amin)

1. Aseyudo Osiep maber, Chon nohera kakia, Noywaya gi tond Herane, Emomiyo ahere. Koro oketo e chunya Herane ndalo duto; An ng`ate, to En Osiepa, Ndalo duto mochwere. 2. Aseyudo Osiep maber; Notho e msalaba Ni mond` ayud ngima kuome, Ringre Owuon nomiya. Gik moko duto ma an go, Ok maga to mag Yesu; Chunya, ringra, giga duto Ni mag Yesu mochwere. 3. Aseyudo Osiep maber; Nomiye teko duto; Mondo orita kawuotho Nyaka adonj e polo. To ka madhiye agombo par Nyasaye ndalo duto; Koro atiyo kageno Dak kod Yesu mochwere. 4. Aseyudo Osiep maber, Maber, mang`won, madieri; Otelona gi wach maber, En Jakony maratego. Onge gi manyalo poga Kod En mohera chutho; Weche mag piny ok nyala ngang`, An ng`ate chuth mochwere. (Amin)

1. Nyasachwa mondo obed kodu, En bende e ma nogwedhu, Kaka rombe Enoritu, Nyasachwa mondo obed kodu.           Nyaka wanere chieng` machielo,           Nyaka wanere e biro Ruoth,           Nyaka wanere chieng` maduong`no,           Nyasachwa mondo obed kodu. 2. Nyasachwa mondo obed kodu, En ogeng`ou gi luete; En mang`won, En to noritu; Nyasachwa mondo obed kodu. 3. Nyasachwa mondo obed kodu. En t`omiu bet mangima, Bende En ohoyo chunyu; Nyasachwa mondo obed kodu. 4. Nyasachwa mondo obed kodu; Kata ka masich tho yudwa. To wanere e pinyruodhe; Nyasachwa mondo obed kodu. (Amin)

1. Yesu nowara, koro amor, To osedonjo omenyo chunya; Koro kadwaro wacho ni ji, Ok anamung` ngang` ok analing`.           Mano e morna, mano wenda, Kapako nyinge ndalo duto;           Mano e morna, mano wenda, kapako nyinge ndalo duto. 2. Yesu nopuonja hero Nyasaye; an koro adwaro puonjo jopiny, Kata gikwero, kata giyie, Ok anamung` ngang`, ok analing`. 3. Koro kageno Ruoth Jakonya, Yesu e berna bende e lerna; Ka tichne rumo, ka piny ogik, Eka nobi mond` okaw joge. (Amin)

1. Puonja Injili lilo, Kuom wach polo mak ne, Kuom Yesu bende duong`ne, Gi herane adier; Puonja malong`o chutho Mondo ang`e maber, Nikech arach e nyime, Nabayo chon marach.           Puonja Injili lilo; Puonja Injili lilo;           Puonja Injili lilo; Kuom hera mar Yesu. 2. Puonja Injili mos mos, Amak wachno mamit; Hono mar waro jopiny, Machango chuny marach; Puonja Injili pile, Kik wiya wil nono; Adwaro wach odonjna, Ahero yie adier. 3. Puonja Injili kare, Gi dwol mamuol chutho; To an jaketh chik polo,Yesu to waroa; Puonja Injili kende, Makonyoa maber; Mamiyo dhano kinda, Koneno wach malit. 4. Puonja Injili chutho, Wach maradier ayie; To mor mar piny omayo Ngima mar chuny jawuoth; Eka ka piny noruna, Kachopie polo cha, Puonja Injili chutho, Kuom Yesu ma Jawar. (Amin)

1. Nyasaye wachokore gi chuny mar hera ka; Hera moriwo chunywa ka En hera mar Nyasaye. 2. E nyim kom-duong` Wuonwa Walamo gi chunywa; Kuom yie, gi geno, gi paro, Chunywa bedo achiel. 3. Wariwo chandruokwa, Gi ting`wa duto be; Wajiwore kuom Nyasachwa Kwakonyore maber. (Amin)

  1. Puonja wach Biblos, en sulwe morienynwa, Kokonyo ji machandore e yo; Onge bor polo manyalo im lerne, Onyiso kaka Yesu dwarowa.           Miya wach Biblos, wach maler marienynwa.           Lerni notaya e wang`yo madiny;           Nopuonja chikni, gi singruokni duto,           Nyaka lerni notieko mudho me piny. 2. Miya wach Biblos, ka chunya ohewa, Kapong` gi luoro kuom kuyo gi keth; Weche mamit ma noa e dho Yesu Ginijiw chunya mond` agen Jawar. 3. Miya wach Biblos mondo meny wang`yora, Puonja kuom chwanyruok mantie e piny ka; Lerno madieri noneg mudho duto, Lerno manyalo menyonwa yor kuwe. 4. Miya wach Biblos, tach ngima mochwere, Ting`e malo kichung` e dho liel; Nyisa lerno morienynwa a e polo, Otayowa e yo madhi polo. (Amin)

1. Puonja wach Biblos, en sulwe morienynwa, Kokonyo ji machandore e yo; Onge bor polo manyalo im lerne, Onyiso kaka Yesu dwarowa.           Miya wach Biblos, wach maler marienynwa.           Lerni notaya e wang`yo madiny;           Nopuonja chikni, gi singruokni duto,           Nyaka lerni notieko mudho me piny. 2. Miya wach Biblos, ka chunya ohewa, Kapong` gi luoro kuom kuyo gi keth; Weche mamit ma noa e dho Yesu Ginijiw chunya mond` agen Jawar. 3. Miya wach Biblos mondo meny wang`yora, Puonja kuom chwanyruok mantie e piny ka; Lerno madieri noneg mudho duto, Lerno manyalo menyonwa yor kuwe. 4. Miya wach Biblos, tach ngima mochwere, Ting`e malo kichung` e dho liel; Nyisa lerno morienynwa a e polo, Otayowa e yo madhi polo. (Amin)

1. Ahero nyiso weche kuom gik mantie malo; Kuom Yesu to gi duong`ne, gi herane bende; Ahero poro wachne nikech gin adiera; Gimiya mor e chunya ma piny ok nyal miya.           Ahero poro weche kuom Yesu ma Jawarwa;           Kata e polo malo nahul hera Yesu. 2. Ahero poro weche kuom Yesu ma Jawar; En wach mamitna chutho moloyo gik mag piny; Ahero poro duto ma Ruoth notimona; Chunya ochuna pile ni mond` ahul berne. 3. Ahero nyiso wachne, en wach maberna ngang`; Pile kanyiso ng`ato, omitna moloyo; Ahero nyiso jogo ma pok owinjo ngang`, Kaka Yesu othonwa mond` omiwa ngima. 4. Ahero poro wachne; kata jo mang`eye Aneno pod gihero winjo wach Ruoth Yesu; Kendo e polo malo kawero wer manyien, Napor wach kuom Jawarwa, weche mahero ngang`. (Amin)

1. Bende nichungi e ndalo chandruok E ndalo maduong` ka chandruok biro Ka yembe kudho ka apaka lich Bende nichungi e ndalono?           Wan gi lwanda morito chunywa           Mochung` matek ka yembe kudho,           Motwe e loch ma ok nyal yiengni           Motegno chutho e  hera Jawar. 2. Kichungo motegno e lwandano Nikech Yesu en e lwandano, Ka roho mare bende teloni Inilo temruok gi tekone. 3. Nomiyi chungo e ndalo luoro Ka onyisi ka chandruok chiegni, Ka apaka ger ka yembe kudho Onge apaka ma diyuayi. 4. Ok onyal pudhre kata e kar tho Ka pige mang`ich bwogo ringrewa Kat` apaka ng`eny pod nochung` matek Ka wageno kuom Ruoth Jawarwa. 5. Ka wanane ler ka piny yawore Rangeye mag lulu ka rieny maler Wanachung` matek kwang`iyo polo Ka chandruok kadho ma nyaka chieng`. (Amin)

1. Adwaro ng`eyo wach Yesu, Nokecha ka yandi nalal; Med puonja warruok man kuome, Kod tho nikech noheroa.           Med puonja kuom Yesu, Med puonja kuom Yesu;            Med puonja warruok man kuome, Kod tho nikech noheroa. 2. Wach mar Yesu apuonjora, Mondo ang`e gi modwaro; Roho Maler otelona, En opuonja ndalo duto. 3. Adwaro somo Wach mare, Omiya winjruok kod Ruodha; Kawinjo dwonde e Wachne, Okonya chiko ngimana. 4. Adwaro winjo kuom Yesu, Weche duto ma kuom duong`ne; Adwaro ngimano mak rum Ka Ruodh mirembe noduogi. (Amin)

1. Chwoyo ndalo duto, chwoyo koth Injili, Chwoyo wach adiera nyaka chieng` watho. Keyo biro chopo, piny ochiek gilala, Wanamor ahinya, wanamor maber.           Keyo biro wuok, keyo biro wuok;           Wanamor gilala keyo biro wuok.           Keyo biro wuok, keyo biro wuok;           Wanamor gilala keyo biro wuok. 2. Chwoyo pinje duto, kata tek ahinya, Yesu e mochiko mond` wadhi kode; Wan gi kinde tinde, kik wanindi koro, Mondo wadhiuru chwoyo wach maber. 3. Kata en Satani, en mawuonda nono, En mamayo chutho jo madagi wach; To wachwo gi kinda, wanatim sinani, Keyo biro chopo, wanamor maber. (Amin)

1. Kony Jo madwaro tho, molal resuru; Golgi e bugo matut mar richo; Juk jo magore piny, dwar jo morwenyo, Nyisgi kuom Yesu ma Jawar maduong`.           Kony Jo madwaro tho, Molal resuru;           Yesu En Wuon ng`wono; Enowargi. 2. Kata gigalore, en pod orito Mond` oruak jogo maloko chunygi; Un kik uchagi ngang`, nyisgi kuom Yesu,  Nowe kethgi ka giyawne chunygi. 3. Satan odak kodgi, ochando chunygi, Paro maiye osediyogi; To hera mar Yesu nyalo ho chunygi; Yesu odwaro wakelgi ire. 4. Kony Jo madwaro lal - Ruodhwa owacho; Ber watim tich ma Ruoth luongowae; Watim kinda pile, Yesu ni kodwa, Nomiwa teko mar timo tichne. (Amin)

1. Aparo tinende kuom pinyno miwuoro, Ma anachopie ka chieng` podho; Kachungo but Jawar, kosidhna osimbo, Norieny gi sulwe maler koso?           Koso sulwe nobedi e osimbona,           Ka ngimana mepinyni rumo?           Kachiew gi hawi mar bedo e yueyoni,           Sulwe norieny e osimbona? 2. Kuom teko mar Jawar mond` ati kend` alem, Mond` atim rito ka jalok ji; Ni mondo awinj dwond Ruodha kowachona, "Bi, idonj e morna koro." 3. Nobed mor manade ka aneno wang`e, Ngimana anaket e luete; Sulwe nobedna duong` e dala dhahabu, Ka ma nayudie gweth nyaka chieng`. (Amin)

  1. Kik ibadhri ni tich, tijno moneg` itim; Ikri mondo iti ka ma onyisoi; Ruodhwa oluongoi, oluongoi pile; Yie mond` iwinj dwonde, itine gi chunyi.         Bi koro (tinde), kik idagi biro;         Bi koro (tinde), ikri mondo iti;         Kik ibadhri ni tich, Ruodhwa di po dwoki,         Nichayo herana; ok nidonj e polo. 2. Kik ibadhri ni tich, Ruoth oluongi tinde; Kik idage kendo, reti iwinj dwonde; Puothe to osechiek, jokeyo e manok; In, yaw chunyi koro, mondo iti ni  Ruoth. 3. Kik ibadhri ni tich, kik ideki koro; Kichayo herane, di po koweyi chuth; Ka pod nitie ng`wono manyisi yor polo. Yesu pod osayi, Bi mond` oweni keth. (Amin)

1. Daher tiyo kodi, Ruodha, Gi mor moloyo; Kachiwora mar tieko tichni E pinje duto.           Kawa, Yesu kawa chutho, Pong` chunya, ringra;           Puonja luwo bang`i pile, Katimo wachni. 2. Malaika marateke,Tiyoni gi ng`wech; Wagombo bedo kamano, Jotich malong`o. 3. Pile, pile miwa teko, Geno mana In; Eka chieng` ma Yesu wiro, Tich norum chutho.           Yiera,Yesu, mond` atini, Kata ni jomwa;           Ok anyal gimoro kenda, Taya saa duto. (Amin)

1. Tiuru, Yesu `biro, Kolor oa e polo; Lunigiuru pile, Yesu wir` e piny. Puonjuru ji wach Yesu, To mano tich maru; Tiuru, Yesu `biro Omo jo moyie. 2. Tiuru, Yesu `biro, Tiuru tich maru; Yesu odwaro konyu gi teko mare. Landuru wach ni jogo Ma pod ni e mudho; Yesu obiro biro Ka tich orumo. 3. Tiuru, Yesu `biro; Ndalo odong` matin; Watiuru gi teko, Mondo Ruoth obi. Jogo mapok ong`eyo,Wapuonjgi gi kinda; Chieng`no ka Yesu biro Waromne gi mor. (Amin)

1. Ka manade ma Ruoth luongae, Kata loka nam malich, Kata ni mond` aidh loka got, Ayie dhiyo tiyone. Kata koluonga gi dwonde mos Ni mond` achik yo makiya; Nawachi, "Ruodha, in Kibet koda, Ayie dhiyo ka manade."           Ayie dhiyo ka manade, Ruodha,           Kadho got kata loka nam;           Nawach gi midwaro mond` awachi;           Ruoth, natim duto michiko. 2. Kata nitie weche mag konyruok monego awach tinde Kata nitie ng`ato moketho, Monego anyise yo; Ruodha, In kibedo Jatenda, Ka yo bet malich nade, Nawach wechego ma ichikoa, Dwonda nolu weche magi. 3. Kata ka ok anyal tich maduong` Kaka jomoko timo, Ang`eyo nitie tich moro, Ruoth, Ma anyalo tiyoni. Kamano aketora kuomi, Ang`eyo kihera ngang`; Natim tich duto minyisa. (Amin)

1. Yesu Osiep malong`o, Ahere maradier; Ohera gi hera mang`won, Hera mak lokre; An ka dapogora kode Ok dabed gi ngima; Koro wabet kanyakla, Ruodha kod an. 2. Kaol e yo kamoro, En t`ong`eyo yomna; Oyiena padora kuome, Omiya tekone; Otelona e ka maler, Ochiko tienda be; Wawuotho kaachiel koro, Ruodha kod an. 3. Anyise weche duto, Morna gi kuyona; Anyise gik maolo chuny, Kod gigo machanda. Onyisa gi moneg` atim Kak` anyalo loyo. Kamano watwak kode, Ruodha kod an. 4. Ong`eyo kak` agombo Kelo ng`ato kuome; Ochika adhi nyiso ji Wach hera e nyinge; Anyisgi herane maduong`, Kaka notho nigi; Mit watiyo kanyakla, Ruodha kod an. (Amin)

1. Kaparo yath mar Kalwari, Ka ma Ruodhwa Yesu notho, Akwano mwandu ka nono, Anego sunga mar chunya. 2. Ruoth, kik iyie mond` apakra Mak kuom tho Kristo Nyasacha; Gik ma nono maywayoa Achiwogi kuom remb Yesu. 3. Kuom wiye, luetene, tiende, Rembe nochwer koherowa; Noyie malit nikech jopiny, Notho mond` omiwa ngima. 4. Da piny duto obed mara, Dobed mich ma ok dak nyal rom; Hera maduong` kama noyud chunya,  Ringra, ngima duto. (Amin)

1. Tiuru, tiuru, wan jotich mag Nyasaye; Waluuru yorno ma Ruoth ochikowa. Weche duto ma luetewa oseyudo, Watimgi gi teko duto te ma wan go. Gi kinda! (Gi kinda! Gi kinda!) Gi kinda! Kwalemo (kendo) kwarito (pile), Nyaka chieng`no ma Ruoth biro. 2. Tiuru, tiuru, kuchiwo chiemb ngima, Gi pi ngima ni jo ma riyo oloyo; Msalaba gi bendechwa mond` orieny ni ji, Kwayalonigi ng`wono mar Ruoth Nyasachwa. 3. Tiuru, tiuri, wan duto watiyo, Mondo pinyruodh mudho koro orum chutho; To pinyruoth mar Kristo omedre kendo rieny. Kwagoyo erokamano ni gweth mare. 4. Tiuru, tiuri, kuom teko mar Ruodhwa; Eka chieng` giko wanayud osimb ngima. Jo maler ginirieny kaka chieng` godiechieng`, Waweruru kwapako ng`wono mar Ruodhwa. (Amin)

1. Wan wamor kwatiyo ni Ruoth Yesu; Wan wawuok ka chunywa yie timo Tich manade ma Ruodhwa ochiko, Wanatim kinda kuom tich Ruodhwa.           Tich Ruodhwa Yesu,           Watiyo gi mor, watiyo gi mor;           Tich Ruodhwa Yesu,           Wanatine e piny ka! 2. Wanamor mar nyiso ji wach kuome, Kak` ohero ji duto e piny; Kristo, mobedo e duong` mar Wuoro, Ochiwo gwethne kuom ng`wonone. 3. Wabedo mamuol kwaluwo Ruodhwa, Kwawuotho e yo motelonwa; Jo molal wakelo ir Jawarwa, Kwanyisogi Yesu ma Jakony. (Amin)

1. Jokeyo ni kanye mondo tim tich Mar kayo cham maber e piny marach? Pand keyo en adier mar Wach Nyasaye, To yueyo onge nyaka tich rumo.           Ere jokeyo? Ng`a ma nobi           Ni mond` oriwre e tich maber ni Ruoth?           Ng`a ma nokonywa timo tichni           Mar kayo cham maber e puoth Ruoth? 2. Dhiuru udwargi e mier duto; Cham maber nitie kata buya ng`eny; Timuru teko, moro kik lalnu; To chokuru duto e mor mar Ruoth. 3. Puothe koro chiek kwonde duto te; Koro tich mar keyo oritowa; To jokeyo nok, kendo tich duong` ngang`; Kwatimo samuoyo cham biro lal. 4. Biuru koro, un yawuot dhano, Tiuru kanyakla mar choko cham; Tiuru matek nyaka Ruoth biro, Eka unudonji e mor mar Ruoth. (Amin)